Истражување: Дали изборот на обувки на жените зависи од мажот што им се допаѓа?

Неодамнешно истражување спроведено на Универзитетот во Словачка покажало дека изборот на обувки за љубовен состанок зависи од мажот со кој жената излегува.

Имено, научниците спровеле студија на 292 хетеросексуални жени така што им покажале фотографии од двајца мажи, од кои еден бил оценет како поатрактивен, а другиот како помалку. Откако тие ги оцениле мажите со оценка од 1 до 7 (1 – непривлечен, 7 – исклучително привлечен), им покажале фотографии и од црни балетанки и бели штикли чија потпетица била висока 11 сантиметри и ги прашале кој модел би го одбрале и со кој маж.

Резултатите покажале дека повеќе од 60% од жените ги одбрале штиклите за состанок со мажот кој добил повисока оценка за привлечност.

Водечкиот истражувач, професорот Павол Прокоп, објаснил дека жените со носењето високи потпетици праќаат сексуални сигнали до мажот што им се допаѓа и со кој би сакале да отидат чекор понатаму. Ова го открива и нивното сензуално одење и нишање на колковите кога носат штикли.

Од друга страна пак, американскиот психолог, новинар и автор, Самер Бренан, надоврзувајќи се на ова истражување, истакнала дека жените што носат штикли не секогаш го повикуваат мажот за секс, бидејќи тие најверојатно не ни би отишле на состанок со маж што не им се допаѓа. Исто така додала дека и студијата би била поверодостојна ако понудените обувки биле во иста, а не во различна боја.

Дали сте знаеле и дека секоја втора жена е склона кон погонофилија! Дали сте една од нив?


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар