Интересна студија: Родените во 1930-тите имаат најмногу секс, а оние во 1990-тите најмалку…

Едно истражување од САД покажало дека луѓето денес имаат помалку секс отколку пред една деценија. Истражувањето покажало дека помеѓу 2010 и 2014 година луѓето имале секс 9 пати помалку отколку помеѓу 2000 и 2004 година.

kolku-chesto-treba-da-imate-seks-spored-naukata-kafepauza.mk

Ова значи 9 пати помалку за просечна личност и 16 пати помалку за брачните парови. Овие резултати се од луѓе со различна возраст, раса, локација, професија, како и луѓе со и без деца.

Изненадувачки, но луѓето кои имале најмногу секс се оние кои биле родени во 1930-тите и кои го достигнувале „врвот“ на нивниот сексуален живот во 1960-тите. Џин Твинџ, една од истражувачите, изјавила:

„Кога се зема предвид временскиот период, луѓето родени во 1930-тите имале секс најчесто, додека оние родени во 1990-тите имале секс најретко. Ова намалување не е поврзано со подолгото работно време и зголеменото користење порнографија.“

Па тогаш, која е причината?

Можеби сметате дека причината се социјалните мрежи, гледањето телевизија, видео игрите и слични нешта кои се постојано присутни во нашиот живот. Но, Џин смета дека причината не е тоа. Таа напишала:

„Резултатите укажуваат дека луѓето имаат помалку секс поради две причини. Зголемениот број луѓе кои немаат постојан или брачен партнер, како и намалувањето на интимноста помеѓу луѓето кои имаат партнер.“

Иако ова звучи лошо, сепак не е. Истражувањето покажало дека и покрај ова намалување, луѓето имаат секс барем еднаш неделно, или 54 пати годишно. Дури и паровите кои се во брак имаат секс околу 50 пати годишно. Оваа бројка била доволна за да се одржи среќата и задоволството.

Истражување спроведено од страна на Ејми Мус покажало дека имањето секс еднаш неделно е сосема доволно. Ако имате среќен живот и редовен секс, ова ќе води до уште повеќе среќа и има уште поголеми здравствени придобивки. Но истражувањето на Мус не покажало дека имањето секс почесто од еднаш неделно резултира со подобро здравје.

„Сексот е поврзан со задоволството во една врска. Но ако е почесто од еднаш неделно, овие придобивки не се менуваат. Ова не значи дека е лошо да имате секс почесто. Едноставно тоа нема да ве направи посреќен пар.“

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар