Претходно
Феноменот огнени виножита
Огнените виножита не се ниту оган, ниту виножита, но се нарекуваат така поради нивните брилијантни пастелни бои и изгледот кој наликува на пламен. Поточно, тие се познати како „circumhorizontal arc“ (околу-хоризонтален лак) – леден ореол кој се формира од шестоаголните, сплескани ледени кристали во високите нивоа на облаците цируси. Ореолот е толку голем што изгледа како лакот да е паралелен со хоризонтот, па оттука доаѓа и името.
Светло обоените огнени виножита најчесто се појавуваат за време на летото и помеѓу одредени географски ширини. Кога сонцето е високо на небото, сончевата светлина влегува право, делејќи ги ледените кристали на поединечни бои, исто како низ призма. Состојбата која е потребна за да се формира огнено виножито е многу специфична – сонцето мора да биде над висината од 58 степени, на небото да има цируси со сплескани ледени кристали и сончевата светлина да навлегува во атмосферата под специфичен агол. Токму поради сите овие услови, овој фасцинантен феномен е толку редок.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
