Девојка ја изненадила баба ѝ носејќи ја нејзината венчаница

Венчавките се големи настани кои доаѓаат со многу планирање и традиции. Иако самото тоа да најдете партнер со кој ќе сакате да го поминете животот е голем предизвик, самата венчавка има безброј свои предизвици. Сепак и покрај целата организација и трошењето пари, венчавките се одличен момент за создавање сеќавања што ќе траат. А тие сеќавања не се само за момчето и невестата.

Девојка ја изненадила баба ѝ носејќи ја нејзината венчаница

Џордин Клеверли, 23-годишна девојка од Ајдахо, правела венчавка и се сетила на нешто интересно. Бидејќи венчаниците се премногу скапи, таа се запрашала дали ќе може да искористи стар фустан со сентиментална вредност. Таа одлучила дека сака да ја носи венчаницата на баба ѝ, но решила тоа да биде изненадување.

Девојка ја изненадила баба ѝ носејќи ја нејзината венчаница

За да го оствари сонот, Џордин морала да направи неколку работи. Пред сè било потребно да го земе фустанот од кај баба ѝ без таа да забележи. Потоа го однела фустанот на шивачка која го средила. Венчаницата била од 1962-ра година, со долги ракави и била направена од свила. За среќа поправката била успешна и најважно од сè, тајна.

Девојка ја изненадила баба ѝ носејќи ја нејзината венчаница

Големото изненадување се случило на пробната вечер. Џордин решила дека баба ѝ треба да биде првата личност што ќе ја види со венчаницата. За да го овековечи моментот, таа најмила и професионален фотограф. По само еден момент, баба ѝ сфатила што се случува. Џордин изјавила:

„Мислам дека светилките почнаа да се гасат кога ме здогледа како одам кон неа. Не заборавате како изгледа вашата венчаница.“

Девојка ја изненадила баба ѝ носејќи ја нејзината венчаница

Џенсен, бабата на Џордин, станала вдовица пред 2 години, па фустанот ѝ предизвикал вистински наплив од емоции.

„Кога ја прегрнав баба ми, таа ми шепна: Се венчав со љубовта од средно во овој фустан, а сега и ти ќе го направиш тоа.“

Девојка ја изненадила баба ѝ носејќи ја нејзината венчаница

Одлуката на Џордин ѝ значела премногу на Џенсен и вистинска среќа е што таа се сетила да го најми фотографот!

Ја знаете ли неверојатната приказна за Индиецот што возел 9.000 километри со велосипед за љубовта на неговиот живот?


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар