Претходно
Агенциите за патување откриваат: Во кои држави се исплати услугата „ол инклузив“, а во кои не?
Кога одбирате помеѓу бројните понуди од туристичките агенции, во глава ви се вртат многу прашања. Кој одмор е најудобен и најпрактичен? Некои држави се пријателски настроени кон туристите, а некои можат да бидат опасни. Многу хотели нудат „ол инклузив“ услуга, па погледнете во кои држави навистина ќе ви се исплати, а во кои е само трошење пари.
1. Малдиви
Храна: 3 оброци во ресторан, ужина во барот во текот на денот. Постојат и ресторани лоцирани надвор од хотелот во кои ќе треба однапред да нарачате. Храната е вкусна и безбедна и има голем број алкохолни и безалкохолни пијалаци кои се скапи без оваа услуга.
Други удобности: Постојат многу опции за забава на Малдивите. Удобноста ќе ве следи во текот на целото патување. Повеќето хотели нудат трансфер од и до аеродромот, како и опција да чекате во ВИП лобито. На самиот остров се нудат разни екскурзии со бродови, лекции за нуркање, бројни водни спортови, фитнес центри, барови, риболов и музичка забава навечер.
Што недостасува: Ова е тешко да се одговори. Ол инклузив пакетите на Малдивите го даваат најдоброто за посетителите да бидат задоволни.
Дали да закажете: Да, ако сакате вистинска релаксација. Ако не ви се важни храната, пијалаците и забавата, тогаш можете да одберете опција само со појадок и вечера.
2. Египет
Храна: 3 оброци дневно со бифе, неограничен сладолед и бесплатен локален алкохол. Но, алкохолот од други држави се доплаќа.
Други удобности: Хотелите во Египет се познати по нивните бројни забавни програми, забави и активности за деца. Сите „ол инклузив“ пакети нудат бесплатни лежалки на плажа, а понекогаш во цената е вклучено и масажа, спа центар и фитнес центар.
Што недостасува: Мини барот во хотелската соба не е бесплатен и опциите како перење облека се доплаќаат.
Дали да закажете: Да. Се препорачува да не ги напуштате хотелите во Египет. Поради ова тие се обидуваат да им понудат на туристите сè што им е потребно – храна, забава и удобност.
3. Обединети Арапски Емирати
Храна: Овде „ол инклузив“ значи највисокото ниво на удобност и почит. Сè ќе изгледа неверојатно, а храната ќе биде вкусна. Но, ќе треба да платите за деликатесите како јастог. Покрај тоа количината алкохол е ограничена – ако келнерот забележи дека гостинот е пијан ќе престане да го служи со алкохол.
Други удобности: Некои хотели овозможуваат брод, велосипед и кајак со „ол инклузив“ пакетот. Но ќе треба да плаќате за лежалки ако хотелот не е на брегот.
Што недостасува: Забави и активности за деца.
Дали да закажете: Да, ќе биде многу поудобно и поевтино отколку сè да плаќате посебно. Дубаи е исклучок – најверојатно подобро е да закажете без оваа услуга бидејќи тоа е единственото место во државата што има интересни и евтини кафетерии.
4. Турција
Храна: Повеќето хотели во Турција имаат бифе со одредено работно време и 24-часовна собна услуга. Локалниот алкохол е бесплатен, но ќе треба да плаќате за увезените брендови.
Други удобности: Изгледа се нуди сè што можете да замислите. Дури и хотелите со 3 ѕвезди имаат многу активности за деца и возрасни, вклучувајќи фитнес центри, забави, натпревари и шоуа во баровите. Хотелите со 4 и 5 ѕвезди имаат и аква парк.
Што недостасува: Овој пакет не вклучува работи како масажа, спа центри и слично. Исто така ќе треба да доплаќате за лежалки на плажа.
Дали да закажете: Да. Многу е поевтино да одберете „ол инклузив“ опција.
Продолжува на следната страница…
