7 храбри жени кои во моментов го менуваат светот

Насрин Сотоудех

Насрин е иранска адвокатка која ги бранела активистите од опозицијата односно го покренала прашањето за еднакви права за мажите и жените во нејзината земја, истовремено откривајќи ги политичките злосторства што се случуваат.

Во 2018-та година, Насрин Сотоудех е осудена на 38 години затвор и 148 удари со камшик. Обвинета е за завера против националната сигурност, ширење пропаганда, кршење на јавниот ред и јавниот говор без хиџаб. Сега е во затвор и цел свет разбира дека Насрин пати поради нејзините храбри зборови за слободата и затоа што ги бранела човечките права на жените во нејзината земја. Единствена организација којашто може да ја спаси се Обединетите Нации. За време на пролетта оваа година, висок поборник за човечките права веќе го посетил Иран така што постои шанса таа наскоро да биде ослободена.

View this post on Instagram

A post shared by Amnesty International (@amnesty) on

Лејма Роберта Гбови

Лејма е активистка и миротворец од Либерија која е уверена дека мајките можат навистина да го променат светот. Во текот на граѓанската војна, таа во нејзината земја го организирала граѓанското движење за мир. Тие му се обратиле на претседателот:

„Во минатото молчевме, но по сите убивања, силувања, дехуманизирања, заразувања со болести и гледајќи како нашите деца и семејства се уништени, војната нè научи дека иднината лежи во ненасилство и во МИР! Нема да попуштиме додека мирот не преовлада.“

Движењето на Гбови било едно од главните причини кои го предизвикале крајот на либериската граѓанска војна, како и првото назначување на жена претседател која дошла на власт во историјата на Африка. Во 2011-та година, Лејма Гбови ја примила Нобеловата награда за мир за ненасилна борба за женските права. Елен Џонсон – Серлиф (споменатата претседателка на Либерија) исто така ја добила наградата заедно со Тавакол Карман од Јемен што ја нарекле „Мајка на револуцијата“ во нејзината земја.

View this post on Instagram

A post shared by Women’s Advisory for Youth (@wacyop) on

Грета Тунберг

Пред една година, Грета во петок одбила да оди на училиште и започнала протест пред зградата на шведскиот парламент. Грета ги замолила луѓето да посветат повеќе внимание на климатските промени и да направат нешто за планетата да биде сигурна. Така цел свет ѝ се придружил. Сега, милиони ученици (како и возрасни) го поддржуваат нејзиното движење „Петок за иднината“ и ги повторуваат едноставните, но мудри зборови што оваа млада жена ги рекла: „Ако денес не протестираме, нема да имаме утре.“

За само една година, Грета добила многу награди (многу е веројатно дека ќе добие и Нобелова награда), одржала ТЕД говор, одржала говор во Америка и со тоа станала една од најистакнатите еко-активистки на денешницата.

View this post on Instagram

A post shared by Greta Thunberg (@gretathunberg) on

Опра Винфри

Повеќето луѓе ја препознаваат Опра Винфри како најистакната ТВ водителка во Америка, но оваа прва афро-американска мултимилијардерка исто така заслужува да биде спомената како великодушна јавна личност.

Училиштето што Опра го отворила во Јужна Африка успешно функционира веќе неколку години. Опра сонува за иднина во која девојките од сиромашните земји ќе имаат прилика да учат. Ги посетува и им помага на талентираните сиромашни деца да се запишат на признати факултети во светот. Потрошила повеќе од 400 милиони долари за развој на образованието. И нема да престане.

Дознајте и кои се 6-те неверојатни жени чија слава им била украдена.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Психолог кој најдобро се изразува преку пишаниот збор. Нејзиниот личен лајтмотив гласи: „Остани своја и поинаква бидејќи само така ќе блеснеш во полн сјај!“

Поврзани содржини

Остави коментар