5 кул начини да ги уредите книгите во вашиот дом

5 кул начини да ги уредите книгите во вашиот дом

Сите сакаме убав и среден дом, но љубителите на книги во никој случај не го запоставуваат просторот каде ги чуваат книгите. Еве што сè може да направите за да ги уредите полиците за книги на навистина уникатен и кул начин.

5 кул начини како да ги уредите книгите во вашиот дом

Фатете се за работа и направете ја вашата полица со книги како излезена од соништата.

1. Подредете ги книгите по боја

Ок, можеби ќе изгледа како да имате опсесивно растројство, но кому му е грижа? Ваквото подредување на книгите е возбудливо и забавно. Извадете ги сите книги од полицата и подредете ги по боја и нијанси. Потоа вратете ги назад на полицата. Плус, секогаш ќе знаете кога некој ви чепкал по книгите.

5 кул начини како да ги уредите книгите во вашиот дом

2. Додајте малку живост и разиграност

Може дел од книгите да ги поставите хоризонтално, дел вертикално. Може да додадете керамичка фигура или малечко растение во саксија. Прекрасно!

5 кул начини како да ги уредите книгите во вашиот дом 5 кул начини како да ги уредите книгите во вашиот дом

3. Сè е во деталите

Обрнете внимание на малите орнаменти. Не преоптоварувајте ја полицата со сè и сешто, но внимателно осмислете ситни декорации кои ќе изгледаат ненаметливо и дискретно.

5 кул начини како да ги уредите книгите во вашиот дом

4. Организирајте во папки и кошници

Поделете ги книгите по жанрови и набавете неколку полуотворени картонски папки во различни бои (или еднобојни доколку така ви е повеќе по вкус). Подредете ги книгите според жанровите. Доколку пак, немате доволно место на вашите полици, набавете неколку плетени кошници или кутии во боја и хоризонтално наместете ги вашите книги во нив. Добра идеја е на самолепливи листови во боја да ги напишете жанровите и да ги залепите листовите на кутиите.

5 кул начини како да ги уредите книгите во вашиот дом

5. Дајте ваше обележје

Ова се супер совети за да вметнете нешто ново и необично, но не заборавајте да бидете креативни и оригинални. По што сте препознатливи? Што сакате најмногу? Кој е вашиот стил? Оставете ваш печат на она што го работите. Може да поставите рачно изработени оригами, може да ги исфарбате полиците во вашите омилени бои, може да го донесете вашето работно биро веднаш пред нив за да си направите ваша мала канцеларија и место за творештво, или веднаш до или над полиците да поставите една или неколку помали слики по ваш избор. Може да одите ретро, да поставите стари предмети и црно-бели фотографии. Бидете слободни и креативни!

5 кул начини како да ги уредите книгите во вашиот дом 5 кул начини како да ги уредите книгите во вашиот дом 5 кул начини како да ги уредите книгите во вашиот дом

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Слободното време го минува со голема шолја кафе и со добра книга во рака или пишувајќи го она што ѝ лежи на душата. Не може да поднесе неправда и негува емпатија кон луѓето. Како перфекционист опседнат да даде сè од себе, сонува да направи промена во светот околу неа. Креативна и желна за нови предизвици, со многу нови соништа секој ден, иако понекогаш плашлива од промена. По малку романтична со голема љубов кон англиските книжевни класици.

Поврзани содржини

Остави коментар