Како дома да подготвиме свежо мелено кафе во кое максимално ќе уживаме?

Пиењето кафе, особено првото утринско е посебно искуство, и најчесто момент кој сакаме да си го посветиме себеси. Секој човек што пие свежо мелено кафе, си има свој начин на подготовка и ако тој му одговара не треба да го менува, бидејќи тоа е неговиот момент.

Во прилог ви нудиме неколку совети за тоа како кафето да биде поубаво, а задоволството поголемо: важно е водата да биде што потешка, да се користи емајлирано ѓезве, бидејќи во него водата побрзо се загрева, а истовремено спречува да омекне. Исто така, подобро е да користат помали ѓезвиња, доволни за едно или две кафиња. Водата треба да се загрее, но не и да преврие, бидејќи така ќе се расипе вкусот на кафето. Потоа ѓезвето се трга од шпорет, и во него се додава потребната количина свежо мелено кафе – една лажичка или две по шолја, во зависност од личниот вкус.

Кафето потоа добро се меша, се враќа на плотната, и кога ќе се подигне, подготовката е готова. Ако пиеме кафе со шеќер, тоа се додава во ладна вода. Кафето се сервира на местото каде што ќе се пие, а по сипувањето во шолја потребно е малку време да се „смири“, за да дојде до израз аромата.

Ритуалот на пиење кафе, освен што ни дава енергија за почеток на денот, зборува многу и за нас и за културата на земјата од која сме. Традиционалното домашно кафе е културното наследство на сите луѓе на овие простори кои уживаат во него. Во Македонија, кафето во никој случај не може да се подготви и испие на брзина. Прво, тоа е ритуал кој започнува со самиот чин на подготовка на кафето, чекајќи водата да зоврие. Исто така, кафето кај нас се пие во кое било време, и претставува чин на гостопримство кога некој ќе дојде на гости, прво да му се понуди кафе. Во суштина ние сме навистина дружељубиви луѓе, а кафето кое се пие брзо, во неколку потези, не остава простор за се она што е поврзано со пиењето кафе, а тоа е разговорот и заедничките моменти.

Советите се од Илија Ѓуриќ, професионален кафе-дегустатор на Гранд Кафе, единствениот во овој регион со експертиза повеќе од 20 години.

Извор: NEDELJNIK.RS

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Читај на раат!

Поврзани содржини

Остави коментар