Книга: „Роман за прељубата“ – Исидора Бјелица

1-kniga-roman-za-preljubata-isidora-bjelica-kafepauza.mkИма ли љубов по прељубата?
Наша оценка: 8/10
Ваша оценка: 1 ѕвезда2 ѕвезди3 ѕвезди4 ѕвезди5 ѕвезди6 ѕвезди7 ѕвезди8 ѕвезди9 ѕвезди10 ѕвезди (9 гласа, просек: 9.22 од 10)
Loading...

Желна за нешто ново, поразлично, експлицитно и без влакна на јазикот, можам сосема сигурно да кажам дека го направив правилниот избор. Исидора Бјелица е извонредно талентирана и најконтроверзната современа српска писателка. Ужасно добро ја доловува ситуацијата на неверство, тогаш кога сите идеали за вашата совршена љубовна врска паѓаат во вода, и отворено зборува за една од најчестите и најконтроверзни појави – прељубата.

За да напише нешто олку отворено и генијално, познатата авторка на над 50 книги, морала самата да помине низ страшните форми и фази на интимното предавство.


Доделуваме 2 книги во соработка со Издавачкиот центар ТРИ


Миа е 43-годишна жена која е фатена неподготвена за животните изненадувања. На нејзини години таа е изморена да се бори за својата кариера откако во повеќе наврати добива отказ поради експлицитноста и разоткривањето тајни на важни и големи имиња. Сепак, среќна е што го има Страхиња, љубовта на нејзиниот живот, нејзиниот страстен уметник кого го љуби цели 17 години и со кого заедно живеат еден контроверзен и боемски живот. Но, ништо не трае вечно, па така Миа се фаќа себеси како се бори со неверството на својот сопруг тогаш кога најмалку очекува и тогаш кога е најнеподготвена да се соочи со тоа.

Миа има две сестри, кои одлично ја надополнуваат оваа слика на прељубници, изневерени жени, предавства и срушени илузии. Маша е најстарата сестра, секогаш прибрана, секогаш на место, секогаш совршена. Го минува животот однесувајќи се како паметна жена и како добра домаќинка за на крај да сфати дека целиот нејзин луксузен живот, скапи автомобили и одмори, на крај се сведува на големо кршење на срцето. Маша е сè спротивно од Миа, што само доловува една од главните поенти на романот. Без разлика дали си паметна жена која плаќа даноци, се грижи за здравјето и готви три оброци на ден во точно определено време, или си импулсивна и „несовршена“, збркана жена, сепак, можеш да бидеш изневерена.

2-kniga-roman-za-preljubata-isidora-bjelica-kafepauza.mk

Глорија е најмладата, слободоумна и дива сестра која има афера со познат оженет политичар. Со еден збор, овој роман е збир на откриен „валкан веш“. Отворено зборува за неверството и прељубата, но и за фазите низ кои минува личноста која е изневерена и која некогаш изневерила, поттикнувајќи го во нас прашањето дали сето тоа е еден магичен круг?

Ќе ве натера да се замислите дали некогаш би биле во состојба да изневерите и дали би простиле неверство. Не, не е плитка приказна за скршено срце, но искрена и длабока исповед на образована, интелигентна жена со скршено срце и распарчени илузии која се бори да излезе на крај и да ја поправи пукнатината во довербата во нејзиниот брак.

Доколку сакате зрел, искрен роман, женско соголување на чувствата, отворен, див, остроумен и експлицитен јазик, „Роман за прељубата“ треба да биде следната книга која ќе ја прочитате. Интригантните наслови на секое поглавје нема да ве остават рамнодушни и ќе ве привлекуваат како магнет да продолжите со читање.

Книжарница ТРИ, ГТЦ, I кат
тел: 02/3238-722
knizarnica@kniga.com.mk

За да учествувате во наградната игра треба да оставите коментар, да го твитнете постот или да го пинувате на Пинтерест, користејќи го хаштагот #СакамКнигаОдТРИ и вашето име и презиме (ако не може да се прочита точно од вашиот профил). Имате време до среда, 19 ноември 2014.

Добитниците ќе бидат известени преку профилите на Кафе пауза на Фејсбук, Твитер и на Пинтерест.

Наградите ќе можете да си ги подигнете со документ за лична идентификација во книжарницата ТРИ.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Слободното време го минува со голема шолја кафе и со добра книга во рака или пишувајќи го она што ѝ лежи на душата. Не може да поднесе неправда и негува емпатија кон луѓето. Како перфекционист опседнат да даде сè од себе, сонува да направи промена во светот околу неа. Креативна и желна за нови предизвици, со многу нови соништа секој ден, иако понекогаш плашлива од промена. По малку романтична со голема љубов кон англиските книжевни класици.

Поврзани содржини

  1. Наталија Reply

    #СакамКнигаОдТРИ Наталија Мартиноска

  2. bubu Reply

    Koi se dobitnicii? 😀

    • Кафе пауза Reply

      Слаѓана Тркалеска од Фејсбук и @BisernaSolza од Твитер

Остави коментар