Брз и едноставен колач за сите пригоди: Ролат од бисквити со кафе

Ова е колач којшто можете да го приготвите за секоја пригода, затоа што се подготвува брзо и едноставно.

Потребни состојки:
  • 250 грама мелени посни бисквити
  • 175 грама шеќер во прав
  • 200 грама чоколадо, изрендано
  • Свежо подготвено силно црно кафе
За филот:
  • 60 грама растителен маргарин
  • 75 грама шеќер во прав
  • 1 кесичка ванилин шеќер
Начин на подготовка:

Додајте го ренданото чоколадо во мелените бисквити и шеќерот во прав. Измешајте ги состојките и додајте кафе по потреба. Поставете ја смесата на алуминиумска фолија и поделете ја на три дела, а секој дел направете го како тесто со дебелина од 4 до 5 милиметри. Секој од трите дела премачкајте го со тенок фил, ставете ги слоевите еден врз друг и замотајте ги во ролат, па оставете го да се олади.

Напомена: Можете секое ролатче да го замотате посебно, па двата да ги ставите еден до друг, а третиот над нив, на местото каде што се составуваат. Вака склопениот ролат, кога ќе се исече на парчиња, би изгледал како детелина со три листа.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Економист во изградба, а страстен обожавател на пишаниот збор уште откако знае за себе. Смета дека животот без домашно милениче не изгледа комплетен, а кафето со многу шеќер го смета за едно најубавите утрински задоволства.

Поврзани содржини

Остави коментар