Претходно
5 хумористични ТВ серии кои можат да ви ги исполнат студените викенди
Доколку сте заинтересирани за нова ТВ серија, лесна и едноставна за гледање, тогаш ви ги препорачуваме овие 5 комедии кои можат одлично да го исполнат вашето слободно време. Одберете ја вашата омилена, замотајте се во ќебе и покрај шолја кафе уживајте во насмевките предизвикани од урнебесниот живот на овие ликови…
1. Млади и гладни (Young & Hungry)
Млад и успешен милионер најмува млада и борбена блогерка за храна со цел да биде негов личен готвач. Но, откако тој ќе раскине со својата девојка, таа ќе мора да се избори да ја задржи својата работна позиција…
2. И девојка и мајка (Significant Mother)
Животот на Нејт ќе се преврти наопаку кога тој ќе дознае дека неговиот најдобар пријател и цимер излегува со неговата мајка која од неодамна е сингл. За да биде уште полошо, оддалечениот татко на Нејт нема да се плаши да го искористи со цел да ја освои повторно мајка му.
3. Свештеник натрапник (Impаstor)
Со цел да го спаси својот живот, Баду Добс ќе одите во мал град и ќе го преземе идентитетот на свештеник хомосексуалец. Тој се обидува најдобро што може да ја одигра својата улога, но нештата многу побрзо ќе почнат да се вртат наопаку.
4. Кевин од работа (Kevin from Work)
Млад човек храбро ја изјавува својата љубов кон колешка во моментот пред да ја прифати новата работа, но потоа дознава дека понудата е повлечена и тој е заглавен на истото работно место со својата симпатија.
5. Одеднаш и татко и дедо (Grandfathered)
Целиот живот на Џон Страмос ќе се преврти наопаку кога неговиот 20-годишен син кој не знаел дека го има ќе се појави пред него со својата мала ќерка. На тој начин овој долгогодишен ерген одеднаш дознава дека е татко, но и дедо.
