Претходно
Удобен и евтин дом кој се гради за само 6 часа
Низ целиот свет се зголемуваат цените на живеалиштата. За да се справат со тоа многу луѓе се одлучуваат за мал дом. Други пак се одлучуваат да живеат патувајќи. А постојат и оние кои одбираат самоодржливи домови и живеат мирно во природата.
За да понуди решение за високите цени на имотите, една компанија ги создала M.A.D. Ова е дом „на склопување“ и чини само 27.000 евра. Покрај тоа, може да биде поставен на која била рамна површина и тоа за само 6 часа. Овие куќи се безбедни, направени се од квалитетни материјали и доаѓаат во повеќе големини. Можете да одберете куќа од 27 метри квадратни по цена од 27.000 евра или пак куќа од 84 метри квадратни по цена од 62.000 евра.
Структурите имаат сопствени соларни панели, систем за вода, како и ЛЕД осветлување. По плаќањето, куќата пристигнува во рок од 60 денови. Оваа структура ги има сите модерни удобности – целосно опремена бања, кујна, скали и електроника.
„Создадовме удобен и безбеден простор кој се прилагодува според вашите потреби“, изјавиле од компанијата.
Погледнете и некои од најуникатните куќи во кои ќе посакате да живеете.
