Учителка ги фотографира своите деца во магични сценарија и костими кои ги изработува сама

Креативната учителка Ана Розвадовска од Полска е мајка на 2 дечиња која во слободно време обожава да фотографира и да шие. Таа вели дека како малечка никогаш не се сметала за уметнички талентирана, но сето тоа се променило кога ги родила нејзините дечиња – Џејкоб и Барбара. Тогаш ги открила сите чуда на фотографирањето и социјалните мрежи и, инспирирана од светски познатите фотографи, започнала да бара уникатен начин да го одбележи детството на своите деца.

Учителка ги фотографира своите деца во магични сценарија и костими кои ги изработува сама

Самовила

Од нивното раѓање, па сѐ до денес, таа направила стотици фотографии од Џејкоб и Барбара, а освен фотографирањето, таа има уште едно интересно хоби – изработката на костими. Во секоја нова фотосесија која трае од 10-15 минути, сите парчиња облека, освен чевлите, се изработени од нејзините раце. Таа вообичаено ги користи најевтините материјали и ткаенини и избира локации кои се блиску до нејзиниот дом.

Ана вели дека никогаш не ги тера децата да позираат. Таа смета дека една фотосесија изгледа добро и оригинално само кога се раскажува некоја приказна, бидејќи тогаш децата се чувствуваат природно.

„И фотографирањето и шиењето ме исполнуваат со многу енергија. Мојата глава е преполна со идеи за следните фотографии. Камо ли денот да траеше подолго…“, вели Ана.

Погледнете дел од нејзините уникатни фотографии.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Новинар. Самопрогласен актер. Џедај. Животна форма еволуирана да живее од филмови, видеоигри, музика, хумор и технологија. Хоби и рекреација: Појадок, ручек, вечера.

Поврзани содржини

Остави коментар