Претходно
Ресорт во Саудиска Арабија им нуди неповторливо искуство на посетителите под ноќното пустинско небо
Датум: 03 јан 2022
Коментари: 0
Прекрасниот ресорт со име „Desert Rock“ или „Пустинска карпа“ е најновиот туристички проект на компанијата Red Sea Development Company во Саудиска Арабија. Сместен на необична локација меѓу планините на Ријад, проектот е дизајниран од страна на Oppenheim Architecture чија цел е да им обезбеди необично и несекојдневно искуство на посетителите.
„Сакавме да создадеме дестинација што ќе им овозможи на гостите да ја искусат недопрената убавина на Саудиска Арабија“, вели Џон Пагано од компанијата. „Пустинска карпа има за цел не само да им пружи преубав поглед на посетителите кон пустината, туку и да го зачува природниот пејзаж за во него да уживаат и идните генерации.“
За да стигнат до одморалиштето, патниците ќе треба да поминат низ долината скриена меѓу планините. Сместувачките капацитети кои опфаќаат 48 вили и 12 хотелски соби ќе им овозможат на гостите да ја искусат пустината на сосема нов начин. Покрај сместувачките капацитети, одморалиштето ќе располага со спа и фитнес центар. Посетителите ќе имаат можност и да се вклучат во дополнителни активности како пешачење, возење низ пустината и набљудување на ноќното пустинско небо. Првите гости се очекуваат кон крајот на 2022 година, но изградбата ќе трае сè до 2023 година.
Во продолжение погледнете ги фотографиите од овој преубав ресорт.
Откако прочитавте за ова преубаво одморалиште скриено во планините на Ријад, можеби ќе сакате да прочитате и за ресортот на Филипините со нула отпад.
Извор: mymodernmet.com
