Претходно
Неверојатно прецизна уметност од пердуви
Додека повеќето од нас гледаат само пердув, 58-годишниот артист Крис Мајнард од Вашингтон, гледа неверојатни минијатурни уметнички дела, отсечени од природните пердуви на птиците. Брилијантно обоените птички на Крис, прецизно искроени од пердуви на птици, се најдени во повеќе зоолошки градини и птичарници. Нивната големина варира од 15-120 см.
„Најдобриот начин да се набљудуваат пердувите, е на самите птици. Но, формирањето слика од секој посебен пердув, дава една поинаква перцепција за формата, убавината и улогата на птиците. Природата е нивни креатор. Јас само го овозможувам нивниот дизајн и соодветната светлина.“
Тој употребува хируршки инструменти и очила со леќи кои го зголемуваат видикот, сѐ со цел совршено, до детали да ги изработи неговите креации.
Првпат изработил уметност од пердуви пред 2 години, а оттогаш има направено дури 80 парчиња и за секое од нив му е потребна неколкудневна работа. Потоа ги врамува во рамки кои се нарекуваат „shadowboxes“. Неговите фантастични пердувести скулптури, се продаваат 800-2000 долари по парче.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
