Претходно
Неверојатно дизајнирани сцени овековечени во фотографии полни живот
Доколку ја погледнете работата на Дидиер Масард, на прв поглед можеби би рекле дека се работи за цртежи насликани со водени бои или пак за дигитално моделирани сцени. Но, делата на овој артист всушност се фотографирани диорами (3Д минијатурни макети) кои прикажуваат нереални сцени и пејзажи. Овие неверојатно дизајнирани светови настануваат од сцени за кои на Масард му се потребни месеци да ги состави, внимателно да ги нареди и соодветно да ги осветли пред да ги фотографира.
Без разлика дали станува збор за подводна катедрала која се руши, мистична градина преполна со цвеќиња високи колку луѓето или пак за урнатините од Вавилонската кула во пустината, одличната работа на Масард изобилува со прекрасно чувство за магичен реализам. И додека фотографијата подразбира фаќање на момент од живиот свет и замрзнување во “мртва” сцена, Масард го прави токму спротивното – тој од статичните нереални сцени кои ги создава специјално за своите фотографии, креира подвижни, живи светови во кои имате чувство дека дејството трае.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
