Претходно
Неверојатен портрет направен од 2.000 каранфили
Инспирирана од политичарката Аунг Сан Су Кји која се бореше за демократија во Бурма (Република Мјанмар) и доби Нобелова награда за мир во 1991 г, креативната артистка Хонг Ји попозната под прекарот Ред, креирала кусовечен портрет од цвеќиња.
Аунг Сан Су Кји е честопати фотографирана со цвеќиња во нејзината коса, бидејќи на денот на кој нејзиниот татко бил убиен, тој ѝ ставил свежо набрани цвеќиња зад нејзиното уво, пред да си замине низ вратата. 
Направено од 2.000 каранфили уредени во пластични чашки со различно количество вода и црвена прехранбена боја за да создаде различни нијанси на црвено, 20 часа подготовка и околу 40 часа за цвеќињата сосема да ја впијат бојата, уметничкото дело на Ред, овозможило повторно да блесне насмевката на Аунг Сан Су Кји, низ цветните обоени ливчиња.
Неверојатно изработениот портрет имал димензии 3,5 x 4,5 метри. И покрај тоа што неговиот век бил само 5 дена, кога цвеќињата почнале да венеат, сепак неговото значење е големо, бидејќи Ред ја покренала свеста за една цврста, сочувстителна и почитувана жена, за која малкумина се свесни.
„Таа е жена која си ја има жртвувано сопствената среќа за нејзиниот народ. Поради тоа, ја избрав црвената боја за да ја прикажам нејзината љубов, страст, пожртвуваност и крв. Ова ми е првпат да се служам со нешто живо во мојата уметност. Цвеќињата, исто како и луѓето, најпосле умираат. Ова дело го прославува краткото време кое го имаме овде на Земјата, таканаречено живот.“
Погледнете колку е ултраинтересна нејзината работа.
Доколку ви се допадна оваа содржина, сигурно ќе сакате да ги погледнете и другите неверојатни уметнички дела на Ред, нацртани со дно од шолја извалкана во кафе, како и портретот на Адел од растопени свеќи.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
