Претходно
Кубанските балерини и балетани низ улиците на урбаните средини
Кога суровата реалност е успешно разубавена од уметноста на денешните артисти, неминовно е да останеме восхитени и со подотворени усти. Така ќе биде и откако ќе ја погледнете фотосесијата направена од Омар Роблес, фотограф со неверојатно добро око за талентирани танчари кој преку својот објектив ни претставува една нова перспектива на балетот.
Воодушевен од Кубанските балерини и балетани, тој веќе две години неуморно ги фотографира во неверојатни пози низ улиците на големите урбани градови. Именувајќи ги како едни од најдобрите танчари во светот, тој вели:„Можеби е поради тоа што движењето и ритамот им течат во вените, но уште повеќе поради Руската балетска школа која е дел од нивното наследство.“
