Претходно
Автомобили направени од празни лименки
Автомобилите се составен дел од секојдневието на луѓето, па затоа многу често тие претставуваат инспирација за уметниците и скулпторите. На пример, Сенди Сандерсон, кој живее во Хамилтон, Нов Зеланд, ги собира празните лименки од сокови и пиво и од нив создава фантастични класични автомобили со многу прецизни детали.
Кога ќе ја погледнете неговата работа, ќе забележите колку Сенди внимава на деталите на неговите мајстории. Суспензијата, ентериерот, моторот, тркалата, па дури и педалите и рачната кочница се направени до перфекција. За изработка на еден автомобил, тој троши од 8 до 30 лименки, а целиот процес на изработка му одзема околу еден месец.
Поголемиот дел од неговите автомобили се продаваат, а цените се движат од 472 до 1.537 американски долари. Можеби станува збор за голема сума, но мора да се признае дека тие навистина изгледаат прекрасно.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
