Одберете ги боите кои ѝ прилегаат на вашата кожа

Многу важно при избирањето на вистинските бои е одредувањето на онаа која на личноста најмногу ѝ прилега. Пронајдете се во типовите на кожа кои се наведени подолу и погледнете кои бои вам најдобро ви прилегаат.

Видовите кожа на луѓето може да се поделат според годишните времиња:

Зима

Кожа која е бледа, жолтеникаво-маслинеста или темна – луѓето со ваква кожа најчесто се бринети, со интензивна боја на очите. Тука спаѓаат и Афроамериканците и Азијците.

Доколку се пронаоѓате во описот, треба да носите бои кои се чисти, остри и силни. Бела, црна, морнарско сина, црвена и вжарена розе боја одлчино одговараат на ваков тен. Се препорачува да се носат повеќе ладни бои, отколку пастелни нијанси. Избегнувајте ги портокаловата, беж и златната боја.

Лето

Кожа која е бледа и розеникава – оваа кожа е најкарактеристична за русокосите и бринетите со светли очи.

Оние кои се пронаоѓаат во оваа група треба да ги одберат пастелните и меките неутрални бои, комбинирајќи ги розевите и сините нијанси. Лаванда, слива, розе, кафена и сина се бои кои се препорачуваат, додека црна и портокалова треба да се избегнуваат.

Есен

Тука спаѓаат луѓе со златести тонови на кожата. Оваа категорија е карактеристична за црвенокоси и бринети со потемна боја на очите.

Носете златна, кафена, беж, портокалова и темно кафена боја. Одбегнувајте ги сите нијанси на сино.

Пролет

Кожа која е во боја на праска и крем. Тука спаѓаат луѓе кои имаат пеги, румени образи, зелени и сини очи и светли бои на косата.

Оние кои се најдоа во оваа група треба да носат топли бои, како златна, жолтеникава, златно-кафена и боја на праска. Треба да одбегнуваат темни, досадни бои.

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.