Лесен летен оброк: Салата со целер, ореви и јаболко

Освен што се прави брзо, оваа освежителна салата содржи голем број хранливи материи.

Потребни состојки:

• 60 грама ореви
• 8 стапчиња млад целер, исечени дијагонално
• 1 поголемо јаболко
• 3 лажици сок од лимон
• 2 лажици пармезан
• 60 мл маслиново масло
• лута пиперка, сол и бибер по вкус

Начин на подготовка:

Загрејте ја рерната на 170 Целзиусови степени.

Ставете хартија за печење на плехот за печење, а потоа посипете со ореви. Печете ги во рерна 8-10 минути. Оставете ги да се изладат, па исечкајте ги.

Во сад измешајте ги целерот, листовите од целер, оревите, исечканото јаболко и сокот од лимон. Зачинете по вкус.

Додајте ги пармезанот, маслиновото масло и лутата пиперка.

Погледнете го овој рецепт за кремасти тестенини подготвени за половина час.