Претходно
Торта „птичјо млеко“: Најкремастиот десерт во светот
Се подготвува лесно и прилично брзо.
Потребни состојки:
За кората:
- 3 јајца
- 125 грама брашно
- 125 грама шеќер
- 50 грама какао
- 8 грама прашок за печиво
- 30 грама стопен путер
- 20 мл сируп од карамела
За кремот:
- 5 белки
- 300 грама шеќер во прав
- 15 грама желатин
- 20 грама какао
За глазура:
- 100 грама чоколадо
- 70 грама путер
Начин на подготовка:
Изматете ги јајцата и шеќерот, додајте ги стопениот путер, брашното, какаото и прашокот за печиво и измешајте сè со миксер. Истурете ја смесата во плех со дијаметар од 20 см со обрач, израмнете и печете 25 минути на температура од 180 °С. Извадете ја смесата на табла, премачкајте со сируп од карамела, а потоа вратете го назад обрачот од плехот.
Изматете ги белките со шеќерот во прав, додајте го изматениот желатин, а потоа половина од смесата нанесете ја на кората, а на другата половина додајте 20 грама какао и изматете. Истурете ја смесата на белиот фил и измешајте со лажица полека за да ги измешате смесите. Израмнете и ставете ја тортата во фрижидер два часа.
Растопете го чоколадото со путерот, па прелијте го на изладениот колач и вратете го во фрижидер уште 30 минути.
Погледнете го и овој рецепт за крем од бадеми без шеќер.
