Претходно
Совршен десерт за посната бадникова трпеза: Компот со суво овошје
Компотот со суво овошје е десерт без кој не може да го замислиме Бадник. И не само тоа, неговиот опоен мирис на јаболка, кајсии, сливи, цимет и каранфилче ја дополнува празничната атмосфера, а овие состојки ни помагаат и побрзо и полесно да ја обработиме внесената храна.
Потребни состојки:
- 200 г суви сливи
- 100 г сушени парчиња јаболка
- 100 г суви кајсии
- 100 г суво грозје
- 100г суви смокви
- 5-6 каранфилчиња
- 1 портокал
- 2 стапчиња цимет
- 1-2 парчиња ѕвездест анасон
- 2 литри вода
- мед – по вкус
Начин на подготовка:
- Исплакнете го овошјето и префрлете го во тенџере. Додајте ладна вода заедно со зачините.
- Почекајте содржината да зоврие, намалувајќи ја температурата и гответе на тивок оган околу 20-25 минути, но не претерувајте за овошјето да ја задржи својата убава форма.
- Потоа додадете портокали исечени на подебели парчиња. Тргнете го компотот од оган за да се излади.
- Кога компот ќе достигне собна температура, засладете со мед по желба.
- Послужете го компотот со суво овошје на собна температура или изладен.
Можеби сакате да го дознаете и рецептот за двојно чоколадно задоволство: Празнична торта која ќе ве воодушеви!
