Топло чоколадо со чили: Необичен спој на слатко и луто

Замислете си чоколаден напиток со остар вкус на чили и арома на рум. Звучи добро, зарем не? За подготовка на овој неверојатен пијалак ќе ви бидат потребни само десетина минути, а со неговиот вкус ќе ги воодушевите сите.

Потребни состојки:

• 100 грама чоколадо
• 5 децилитри млеко
• 2 ванила стапчиња
• 2 лажици мед
• 10 грама мелено чили
• 2 грама сол
• 5 децилитри рум

Начин на подготовка:

• Загрејте го млекото, додајте ги стапчињата ванила и оставете ги да седат 10 минути.
• Процедете го млекото, додајте го чоколадото скршено на парчиња и 1,25 децилитри вода и повторно загрејте ја смесата со мешање.
• Кога ќе се стопи чоколадото, додајте ги медот, солта, чилито и румот и добро измешајте.

Пијалакот се служи врел.

Доколку сепак повеќе ви се допаѓа традиционалниот вкус на топлото чоколадо, пробајте го овој рецепт за топло чоколадо со Нутела.