5 идеи за вкусно и здраво смуди за добар почеток на денот
Нема нешто подобро од започнување на денот со чаша полна витамини
1. Тропско смуди со праска и манго
Потребни состојки:
- 120 мл обезмастен јогурт
- 1/2 праска
- 1/2 г исечкано манго
- 120 мл нектар од праска
- 1 супена лажица мед
Сите состојки измешајте ги во блендер и послужете во чаша со неколку коцки мраз.
2. Смуди од банана за појадок
Потребни состојки:
- 1 смрзната презреана банана (исечкана на мали парчиња)
- 120 мл млеко со низок процент на масленост или обезмастено млеко
- 240 мл обезмастен или грчки јогурт
- Искршен мраз
- 1 супена лажица мед
- Сосем малку мелено морско оревче
Измешајте ги сите состојки во блендер, освен јогуртот. Оставете добро да се соединат и додајте го јогуртот па мешајте ги уште неколку секунди.
3. Освежително смуди со јагода
Потребни состојки:
- 150 г јагоди
- 1/2 праска
- 120 мл соино или оризово млеко
- 3 коцки мраз
Сите наведени состојки измешајте ги во блендер мешајќи со средна брзина на почеток и засилувајќи при крајот. Уживајте во вашето нискокалорично смуди за појадок.
4. Здраво смуди за добро срце
Потребни состојки:
- 5 ливчиња кељ (исчистени по средината)
- 30 г магдонос
- 140 г бобинки
- 1 смрзната презреана банана (исечкана на мали парчиња)
- 1 кафена лажица мелено ленено или чиа семе
Додајте ги сите состојки во блендер и измешајте ги добро додека смесатане стане хомогена. Може да додадете и вода доколку мислите дека смудито е прегусто.
5. Овошно смуди за поттикнување на имунитетот
Потребни состојки:
- 1 смрзната презреана банана (исечкана на мали парчиња)
- 130 г ливчиња кељ (исчистени по средината)
- 70 г смрзнати бобинки (или слични шумски плодови)
- 2 кафени лажички фино изрендан ѓумбир
- 240 мл незасладено млеко
- 1 супена лажица сиров мед
- 1 супена лажица чиа семе
- Сосем малку мелен цимет
Сите состојки измешајте ги во блендер и додајте повеќе млеко доколку смесата е многу густа.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.