Летни модни комбинации во кои ќе изгледате модерно, а ќе се чувствувате пријатно

Летото е во полн ек и не постои нешто што би ни застанало на патот кон сите оние лелеави, лесни парчиња облека што ги сакаме кога на сцената ќе настапат топлите денови и романтичните, летни ноќи. Дали го подготвивте вашиот гардеробер за овие денови? Доколку не, еве неколку идеи како можете да ги унапредите и да ги осмислите вашите летни модни комбинации, а притоа секогаш да изгледате совршено и целосно да уживате во слободното, удобно чувство кое тие ќе ви го овозможат.

0-letni-modni-kombinacii-vo-koi-kje-izgledate-moderno-a-kje-se-chuvstvuvate-prijatno-www.kafepauza.mk_

1. Вашиот лелеав, цветен фустан комбинирајте го со некои рамни обувки, а сите ние знаеме дека фустаните и рамните обувки се спој кој секогаш е во тренд. Фустанот надополнете го со поелегантен каиш кој ќе биде врзан околу струкот и некоја чанта која целиот изглед ќе го подигне на едно повисоко ниво. Одлична секојдневна комбинација која можете да ја носите секаде.

1-letni-modni-kombinacii-vo-koi-kje-izgledate-moderno-a-kje-se-chuvstvuvate-prijatno-www.kafepauza.mk_

2. Доколку ви е потребен поелегантен изглед, одлучете се за цветен фустан, со некоја потемна подлога, со рамен крој, со должина над колената, и надополнете го со високи потпетици и чанта. Подготвени сте за уште еден успешен ден.

2-letni-modni-kombinacii-vo-koi-kje-izgledate-moderno-a-kje-se-chuvstvuvate-prijatno-www.kafepauza.mk_

3. Без никаков проблем во текот на летото можете да носите и црни модни комбинации. Важно е да изберете некои пошироки модели, но и полесни материјали, а секако ќе изгледате одлично. Во комбинација со патики или еспадрили, ќе добиете спој во кој без сомнение ќе уживате наредните неколку денови.

3-letni-modni-kombinacii-vo-koi-kje-izgledate-moderno-a-kje-se-chuvstvuvate-prijatno-www.kafepauza.mk_

4. Она што не смеете да го испуштите оваа сезона, се широките панталони со пруги кои се доста пријатни, а освен тоа, дизајнот влијае да изгледате послаби и витки. Во комбинација со некоја лежерна блуза или кошула, рамни обувки за ден или потпетици за навечер и елегантна чанта ќе изгледате како вистинска модерна девојка.

4-letni-modni-kombinacii-vo-koi-kje-izgledate-moderno-a-kje-se-chuvstvuvate-prijatno-www.kafepauza.mk_

5. Како што во светот на модата се вратија плетените и чантите кои потсетуваат на пикник кошници, така се вратија и многубројни трендови од претходните децении. Слободно упатете се кон гардероберот на вашата мајка или баба, бидејќи може да се случи токму во нив да пронајдете некои парчиња облека кои веднаш ќе ги засакате, некој лелеав фустан, здолниште со А крој, кроп топ и слично. Многу работи се наоѓаат во нивна сопственост, а вие ќе можете одлично да ги искористите.

5-letni-modni-kombinacii-vo-koi-kje-izgledate-moderno-a-kje-se-chuvstvuvate-prijatno-www.kafepauza.mk_

6. Ако станува збор за некоја летна прослава, како на пример, свадба или крштавка, во топлите вечерни ноќи секогаш победува малиот црн фустан, но овој пат со должина до листовите. Моделот со А крој, кој ќе ви даде елегантен, но пред сѐ доста отмен изглед и став со кој ќе плените каде и да се појавите.

6-letni-modni-kombinacii-vo-koi-kje-izgledate-moderno-a-kje-se-chuvstvuvate-prijatno-www.kafepauza.mk_

Летото е вистинско време за експериментирање и создавање модерни модни комбинации, а во тоа ќе ви помогнат и овие парчиња облека кои ги носат сите трендсетерки.

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар