Претходно
5 едноставни работи со кои ќе го забавите процесот на стареење
Датум: 06 сеп 2013
Коментари: 0
Иако не можеме да го прекинеме процесот на стареење, сепак можеме да преземеме неколку работи со кои барем ќе го забавиме. Ова се неколку работи со кои на кожата ќе ѝ дадете комплетно нов изглед и некоја година помалку.
Пијте многу вода
Водата му помага на вашиот организам нормално да функционира, што се рефлектира и на кожата. Обидете се да пиете по 8 чаши вода дневно.
Намалете го стресот
Доколку научите како да го контролирате стресот и да се носите со него, тоа значително може да го одржи вашиот изглед. Почнете од поедноставните работи – дишете длабоко, избегнувајте избрзани реакции и немојте премногу да се грижите за работи на кои не можете никако да влијаете и кои не зависат од вас.
Користете маски од овошје
Токму овие маски можат да ѝ ја вратат влажноста на вашата кожа и да ја нахранат длабоко. Некои од нив можете да ги правите и сами по дома.
Редовно вежбајте
Вежбите ќе ви помогнат да бидете пофлексибилни, ќе се заштитите од голем број можни здравствени проблеми, но и многу подобро ќе изгледате. Доколку не сакате интензивна програма, барем одете редовно на прошетки.
Хранете се здраво
Исхраната богата со овошје и зеленчук, може многу да значи за вашата кожа, а покрај тоа вие ќе се чувствувате многу подобро и поздраво.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
