Зошто комбинацијата од алое вера и хијалуронска киселина е толку популарна за нега на кожата?

Кога станува збор за нега на кожата, најважно е да биде што е можно поприродна. Веројатно и самите имате забележано дека кога ја „мачите“ вашата кожа со секакви продукти, само како да ја влошувате нејзината состојба. Но кога ритуалите и продуктите за убавина ќе ги сведете на минимум, вашата кожа започнува да блеска. Ова значи дека правилото „Помалку е повеќе“ важи и за нега на кожата.

Зошто комбинацијата од алое вера и хијалуронска киселина е толку популарна за нега на кожата?

Кога ќе сфатите што ѝ е потребно на вашата кожа, потребно е да ги најдете совршените продукти за тоа. Доколку подетално ги следите трендовите за нега на кожа, ќе сфатите дека најдобро е да се вратите на основата, односно да побарате некој рецепт од вашата мајка или баба. Кога станува збор за природна нега, најверојатно прво помислувате на чудотворната алое вера.

Ова растение отсекогаш се користи за нега на кожата поради неговиот гел со лековити и терапевтски својства. Интересно е што иако растението се користи со векови, научниците сè уште не ги знаат сите негови својства. Она што е докажано е дека делува против воспаленија, ги регенерира и хидрира сите видови кожа, но и дека го поддржува имунитетот.

Друга состојка на којашто треба да обрнете внимание кога станува збор за нега на кожата, е хијалуронската киселина. Можеби веќе знаете дека оваа киселина се наоѓа во нашиот организам и е одговорна за еластичноста и волуменот на кожата. Со текот на времето кожата старее, па се намалува и количеството на оваа киселина. Поради тоа потребно е да надоместите за изгубеното, и тоа секојдневно. Исто така, докажано е дека оваа состојка е ефикасна за подмладување и намалување на видливоста на брчките. Не би требало да ги чекате 40-тите за да почнете да користите производи со хијалуронска киселина, туку почнете со ова уште во 20-тите. Кога станува збор за стареење и брчки, најважна е превенцијата.

Па како би изгледала комбинацијата од алое вера и хијалуронска киселина? Лековитите и хидратантни својства на растението, во комбинација со ефектот на подмладување на киселината, овозможува најдобра нега за кожата. Спојувањето на овие две состојки одлично ќе ја навлажни вашата кожа. Па, следниот пат кога ќе барате продукти за нега на кожа, осигурете се дека содржат алое вера и хијалуронска киселина. Сигурно нема да бидете разочарани.

Погледнете ги и останатите здравствени придобивки од алое верата.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар