Вкусни напитоци кои ќе ве разладат за време на летните денови

Летото е во полн ек, па мора да наоѓаме начини како да се разладиме во овие жешки денови. Хидратацијата на организмот е неопходна за време на најтоплото годишно време. Покрај консумирањето вода, можете да бидете малку креативни во кујната и да подготвувате вкусни напитоци кои ќе ве освежат во овој период.

Вкусни напитоци кои ќе ве разладат за време на летните денови

Напиток од јогурт и вода

Комбинацијата од вода и јогурт, позната под името „lassi“ е традиционален пијалак во Индија. Благодарение на пробиотичките бактерии го подобрува варењето, а во комбинација со неколку сочни парчиња овошје ќе ви го освежи целиот организам.

Потребни состојки:
  • 2 децилитри јогурт
  • 2 децилитри вода
  • 1 лажица мед или јаворов сируп
  • 1/2 шолја исечкано манго
  • 1/2 шолја боровинки или рибизли
  • 1/2 шолја малини
Начин на подготовка:

Сите состојки ставете ги во блендер и мешајте ја смесата додека таа не стане кремаста. По подготовката напитокот ставете го во фрижидер.

Напиток со кефир и краставица

Краставицата е, дефинитивно, најосвежителниот зеленчук. Овој зелен плод кој содржи многу вода, во комбинација со кефир уште повеќе ќе ве освежи.

Потребни состојки:
  • 3 децилитри вода
  • 2 децилитри кефир
  • 1 краставица
  • неколку ливчиња мента
Начин на подготовка:

Измијте ја краставицата и пресечете ја на мали парчиња. Ставете ја во блендер па додадете вода, кефир и мента. Сè добро изблендирајте.

Напиток од ѓумбир

Можеби мислите дека пикантната арома на ѓумбирот не е посакувана за време на високите температури, но неговото делување во текот на топлите денови е многу добро. Имено, ѓумбирот помага во регулирање на телесната температура.

Потребни состојки:
  • 1 литар минерална вода
  • свеж сок од лимета
  • 30 грама изрендан ѓумбир
  • 1/3 шолја исечкана мента
  • 1 лажица мед
Начин на подготовка:

Сите состојки ставете ги во блендер и изблендирајте ги. Доколку парчињата зеленчук на крајот ви пречат тогаш може да ја исцедите течноста, а потоа ставете ја во фрижидер.

Но, која е најчестата грешка поради која уште потешко ја поднесуваме жештината? Прочитајте тука.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Книжевничка која би живеела во приказна на Харуки Мураками, во режија на Вес Андерсон, со саундтрак на The Smiths.

Поврзани содржини

Остави коментар