Вкусна торта со банана и Нутела што лесно можат да ја подготват дури и почетниците

Без разлика дали почнувате да учите да печете или пак, сте вистински професионалци – овој десерт е совршен за вас!

(1) vkusna-torta-so-banana-i-nutela-shto-lesno-mozhat-da-ja-podgotvat-duri-i-pochetnicite-www.kafepauza.mk

Потребни состојки:
За тестото:
  • 2 јајца
  • 220 грама шеќер
  • 2 супени лажици кафеав шеќер
  • 100 грама растително масло
  • 340 грама зрели банани
  • 2 супени лажици грчки јогурт
  • 1 кафена лажичка екстракт од ванила
  • 210 грама брашно за сите намени
  • 1 кафена лажичка сода бикарбона
  • 1/2 кафена лажичка цимет
  • 1/4 морска сол
За кремот од Нутела:
  • 250 милиграми маскарпоне
  • 250 милиграми шлаг пена
  • 30 грама шеќер
  • 100 грама Нутела
  • Какао во прав, за декорација
(2) vkusna-torta-so-banana-i-nutela-shto-lesno-mozhat-da-ja-podgotvat-duri-i-pochetnicite-www.kafepauza.mk
Начин на подготовка:

Загрејте ја рерната на 160 степени Целзиусови и поставете хартија за печење во две тави.

За да го подготвите тестото, најпрво изматете ги јајцата со двата вида шеќер. Со помош на електричен миксер, матете додека не добиете бледа и густа смеса – околу 5 минути. Намалете го миксерот на средна брзина и полека додавајте го маслото. Продолжете со матење додека не се соедини со останатата смеса. Додајте ги бананите (претходно направени како пире), јогуртот и ванилата. Добро промешајте. Потоа ставете ги и брашното, сода бикарбоната, циметот и солта. Мешајте нежно. Поделете ја смесата во двете тави и печете околу 30-35 минути, или сè додека не добиете златно-кафеава боја. Оставете го тестото да се олади, па потоа префрлете го во фрижидер.

За кремот од Нутела, најпрво ставете ги маскарпонето, шлаг пената и шеќерот во еден сад, и матете со миксер додека не добиете цврста смеса. Потоа поделете го кремот на два дела. Во едниот од нив ставете Нутела, а потоа мешајте додека не се соедини. Останатиот крем нека остане така.

Поставете еден слој од тортата, па рамномерно нанесете го кремот со Нутела. Ставете го и вториот слој, нежно притискајќи надолу. Нанесете го и другиот крем, така што рамномерно ќе го размачкате до самите рабови. За крај, просејте какао.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар