Вкусен и здрав појадок со јаболка и ореви

Пробајте нешто различно, појадок во чашка полна витамини

Вкусен и здрав појадок со јаболка и ореви

Потребно време за подготовка: 15 минути
Потребни состојки (за две сервирања):
  • 2 јаболка, излупени и исечени на парчиња
  • 2 супени лажици кафеав шеќер
  • ¼ кафена лажичка цимет
  • 1 супена лажица путер
  • 1 супена лажица брашно
  • 2 супени лажици ореви (исчистени)
  • 4 супени лажици житарки
  • 350 мл овошен јогурт со вкус на ванила
Начин на подготовка:
  1. Во огноотпорен сад ставете ги јаболката, една лажица кафеав шеќер и циметот. Садот ставете го во микропечка околу 2 минути, или додека јаболката не омекнат. Извадете ги од микропечката и оставете да се оладат.
  2. Во еден сад ставете го путерот, па додајте го брашното и уште една лажица кафеав шеќер. Додајте ги оревите и житариците и измешајте. Смесата треба да биде ронлива. Смесата ставете ја на тава обложена со хартија за печење и ставете ја во рерна на 200 ˚C. Оставете да се пече околу 8 минути.
  3. Откако јаболката ќе се оладат, поделете ги еднакво во две стаклени чаши. Врз секоја од чашите додајте од овошниот јогурт, а над јогуртот ставете од смесата со ореви и житарици.

Вкусен и здрав појадок со јаболка и ореви Вкусен и здрав појадок со јаболка и ореви

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Слободното време го минува со голема шолја кафе и со добра книга во рака или пишувајќи го она што ѝ лежи на душата. Не може да поднесе неправда и негува емпатија кон луѓето. Како перфекционист опседнат да даде сè од себе, сонува да направи промена во светот околу неа. Креативна и желна за нови предизвици, со многу нови соништа секој ден, иако понекогаш плашлива од промена. По малку романтична со голема љубов кон англиските книжевни класици.

Поврзани содржини

Остави коментар