Вкусен десерт: Ролат во форма на солза

Изненадете ги вашите најблиски со овој вкусен десерт кој никого нема да го остави рамнодушен

Вкусен десерт: Ролат во форма на солза

Потребни состојки:
За кората:
  • 6 јајца
  • 6 лажици шеќер
  • 40 грама какао
  • 3 лажици брашно
  • 1 пакување прашок за печиво
За првиот фил:
  • 150 грама мелени ореви
  • 5 лажици млеко
  • 4 лажици шеќер во прав
  • 2 ванилини шеќери
  • 250 грама маргарин
За вториот фил:
  • 100 грама мелени бисквити
  • 100 грама мелени наполитанки
  • 100 грама чоколадо
  • 150 грама маргарин
За глазурата:
  • 100 грама чоколадо
  • 100 грама маргарин

Вкусен десерт: Ролат во форма на солза

Подготовка на кората:

Изматете ги жолчките со шеќерот. Додадете ги какаото, брашното и прашокот за печиво и полека помешајте со лажица. На крајот додадете го шамот од белки и лесно смешајте го. Плехот обложете го со хартија за готвење, а потоа во него ставете ја подготвената смеса за кора. Печете во рерна, на 180°C, додека тестото не порумени. Извадете ја печената кора на работна површина и со сукало завиткајте ја, така што едниот крај ќе се спои со другиот. Оставете да се излади.

Подготовка на првиот фил:

Прелијте ги оревите со врело млеко и оставете ги малку да се изладат. Посебно сматете ги маргаринот со шеќерот во прав и ванилиниот шеќер и потоа соединете ги со изладените ореви.

Подготовка на вториот фил:

Во сад за готвење, на пареа стопете ги чоколадото и маргаринот. Тргнете ги од ринглата и додадете ги мелените бисквити и наполитанките.

Финална постапка:

Израмнете ја кората и премачкајте ја со првиот фил. Во средината ставете го вториот фил и потоа повторно завиткајте ја кората. Чоколадото растопете го со маргаринот и со добиената глазура премачкајте го ролатот целосно. По желба, завршете со шеќер во прав.

Совет: За подобро превиткување на кората користете дебело сукало или шише.

За авторот
Новинар. Самопрогласен актер. Џедај. Животна форма еволуирана да живее од филмови, видеоигри, музика, хумор и технологија. Хоби и рекреација: Појадок, ручек, вечера.

Поврзани содржини

Остави коментар