Претходно
Три капути што ги носи Амал Клуни кои ја одбележаа сезоната есен 2019
Црн, зелен или беж? Амал Клуни секој од нив ги комбинира со фантастични здолништа и фустани. Погледнете! Амал Клуни е некрунисана модна кралица на Големото Јаболко!
Жителите на Њујорк секој ден уживаат во неверојатните модни комбинации на атрактивната Британка со либанско потекло, а ним им се придружува и целата модна јавност.
Сопругата на најпосакуваниот маж во Холивуд се одлучи за малку построг изглед пред неколку дена, кога ги фасцинира сите со смелиот избор на бои. Овој пат, убавата Амал одлучила во нејзиниот изглед доминира црната боја, па затоа избрала црн капут со макси должина, црн џемпер, чевли и чанта. Единственото нешто што ја „расипува“ евентуалната монотонија на оваа комбинација е светлосивото здолниште потпишано од дизајнерката Силвија Чераси, кое чини повеќе од 1.500 долари.
Станува збор за парче со средна должина и со рамен крој со цепови од страните кое совршено се вклопува со волнениот капут што е долг точно до цеповите на здолништето.
Она што често се занемарува кога станува збор за стилот на Амал Клуни е фактот дека таа секогаш непогрешливо избира чевли и чанта кои не секогаш доаѓаат до израз поради нејзините привлечни комбинации на облеката. Овој пат, тоа се наједноставни црни салонки и многу практична кожена чанта.
Погледнете ги останатите две комбинации со капути на Амал.
Погледнете и неколку одлични модели на капути во коишто можете да уживате есенва.
