Тортиљи со шумско овошје за појадок? Може!

Тортиљи со шумско овошје за појадок? Може!

Познатиот британски шеф Џејми Оливер веќе со години во својот фокус го има подигнувањето на свеста за здравата исхрана, како и рушење на мислењето дека таа е скапа или комплицирана. Со своите серија рецепти продолжува да нуди едноставни опции за секој ден, а ние одлучивме да ви предложиме еден утрински. Станува збор за тортиљи со јогурт, зеленчук и семки кои изгледаат доста примамливо.

1-tortilji-za-pojadok-mozhe-www.kafepauza.mk_

Потребни состојки:

  • 1 мандарина (може и портокал)
  • 1 тортиља (по можност интегрална)
  • 1 лажичка какао во прав
  • 2 лажички јогурт
  • 1 зрела банана
  • 1 шака шумско овошје по желба
  • 1 лажичка печени семки по желба

Подготовка:

1. Пресечете ја мандарината (или портокалот) на половина. Од едната половина исцедете го сокот и додајте малку какао во прав. Добро протресете ги овие состојки со затворен капак.

2. Во смесата додајте го јогуртот и повторно протресете.

3. Раширете ја тортиљата и рамномерно премачкајте ја со смесата.

4. На средината од тортиљата ставете ја банана и започнете лесно да ја гмечите со виљушка, но повторно внимавајте рамномерно да ја распоредите.

5. На крај, тортиљата посипете ја со шумско овошје и семки, па пресечете ја на четвртини и замотајте ја по желба.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар