Претходно
Торта со пишкоти и јагоди: Божествен вкус кој ќе ве фасцинира!
Ова е едноставен рецепт кој веднаш ќе ве освои.
Потребни состојки:
- 400 грама пишкоти
- 250 мл млеко
- 5 лажици рум
- 200 мл слатка павлака
- 2 пакетчиња ванилин шеќер
- 150 грама шеќер во прав
- 4 пакувања цврст јогурт (800 мл)
- 2 кесички желатин
- 400 грама јагоди
Начин на подготовка:
- Измешајте го румот со млекото. Земете од пишкотите и прекријте ги рабовите и основата на калапот откако кратко ќе ги натопите во млекото со рум.
- Слатката павлака изматете ја заедно со шеќерот во прав и ванилата, па додајте го и јогуртот постојано матејќи.
- Подгответе го желатинот според упатството и постепено соединете го со подготвениот крем.
- Ставете дел од кремот врз наредените пишкоти, па ставете насечкани јагоди и повторно пишкоти. Ставете го преостанатиот крем, завршувајќи со јагодите.
- Оставете ја тортата во фрижидер за да се излади неколку часа.
- Пред послужување може да ја украсите со прелив за торти од јагода.
Уживајте во вкусот!
Можеби сакате да го откриете и рецептот за француските колачи: „Paris Brest“ со крем од кафе.
