Торта од кекси на која не ѝ треба печење

Слатко задоволство богато со многу фил и неодолив шмек на кафе

Потребни состојки:

• 400 г кекси по избор
• 3 дл сварено слатко црно кафе
• 250 грама путер
• 8 јајца
• 250 г чоколадо
• 250 г шеќер во прав

Начин на подготовка:

1. Белките одвојте ги од жолчките и матете ги додека не добиете цврст шлаг. Чоколадото стопете го на пареа.

2. Во соодветен сад изматете ги пенесто путерот и шеќерот во прав. Додајте ги жолчките и стопеното чоколадо, па потоа добро измешајте.

3. На крајот додајте го шлагот од белки и полека промешајте со дрвена лажица.

4. Во изладеното црно кафе потопувајте ги кексите и наредете ги на тацна за торта.

5. Врз кората од кекси, нанесете половина од подготвениот фил и рамномерно распоредете го. Истата постапка повторете ја уште еднаш за да се потроши материјалот.

6. Филуваната торта премачкајте ја со остатокот од фил и декорирајте по желба.

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.