Што претставуваат адитивите и какво е нивното влијание врз здравјето?

Дали имате чувство дека сте уморни, уживате во попладневната дремка и потребно ви е многу кафе со цел успешно да го поминете денот? Дали целото слободно време го минувате пред телевизор и немате енергија за ништо? Сето ова се знаци дека ви недостига енергија, а главниот виновник најчесто е неправилната исхрана.

Што претставуваат адитивите и какво е нивното влијание врз здравјето?

Причината за добро познатото чувство на исцрпеност се крие во адитивите, еден вид состојки кои се наоѓаат во речиси сите продукти што ги консумираме.

Покрај калциумот, фосфорот е еден од најзастапените минерали во нашето тело и тој е договорен за одржување на рН вредноста и хормоналната рамнотежа. Но вишокот фосфати може да му штети на организмот, а најмногу се наоѓа во намирници како јајца, месо, млечни производи, житарици, јаткасти плодови и чоколадо. Сепак, овие природни фосфати во храната не се многу штетни и се заслужни за пренесување на енергијата и учествуваат во многу метаболички процеси. Од друга страна, неорганските фосфати се адитиви кои се употребуваат во храната и пијалаците и можат да му наштетат на здравјето.

Неорганските фосфати се наоѓаат во 70% од преработените продукти, па од голема важност е да обрнете внимание на она што го јадете. Овие адитиви се додаваат за подобрување на вкусот и продолжување на рокот на траење. Најчесто се наоѓаат во готова, конзервирана храна, преработени месни производи и сокови.

Прекумерното внесување храна богата со адитиви предизвикува намалена желба за движење и дополнително ви ја намалува енергијата. Адитивите можат да нанесат голема штета на целиот организам, а најмногу на бубрезите.

За да се заштитите од штетниот ефект на адитивите, најдобро е да ги избегнувате овие намирници:

  • Конзервирана храна
  • Преработени месни производи
  • Газирани пијалаци
  • Житарици
  • Грицки

Доколку чувствувате голема потреба за енергија, обидете се главните намирници во исхраната да ги направите овошјето и зеленчукот. Ова е храна што ќе ви помогне успешно да ги завршите дневните обврски и да се чувствувате здрави и полни со енергија.

Дознајте и дали мононатриевиот глутамат е безопасен адитив.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар