Претходно
Рецепт за вкусен филипински омлет со модар патлиџан
Тортанг талонг е името на традиционалното филипинско јадење што се подготвува од само четири состојки, а најчесто се служи со ориз и кечап. Во подготовката се користат кинески патлиџани, кои се малку помали од нашите модри патлиџани. Во случај да не можете да најдете кинески патлиџани, а сакате да го подготвите овој рецепт, користете помали обични модри патлиџани.
Потребни состојки:
- 4 кинески модри патлиџани
- 2 јајца
- 1 лажичка сол
- растително масло за пржење
Начин на подготовка:
1. Ставете ги модрите патлиџани да се печат на скара и печете ги додека кората не стане речиси црна.
2. Тргнете ги патлиџаните настрана и оставете ги да се изладат.
3. Кога ќе се изладат, излупете ги.
4. Во посебен сад, измешајте ги јајцата со солта.
5. Ставете ги печените модри патлиџани на рамна површина и обидете се со виљушка да ги израмните во форма на стек.
6. Ставете го модриот патлиџан во мешавината од јајца и ставете го на загреана тава со малку растително масло.
7. Пржете го секој патлиџан околу три до четири минути од двете страни на умерена температура, додека не добие златно-жолта кора.
Погледнете како да го подготвите овој омлет што не содржи јајца и млеко.
