Рецепт за маска од чоколадо и кафе, совршена против темни кругови под очите и сува кожа

Какаото и кафето се нешта кои одат совршено со секој десерт, но тие се одлични и за вашата кожа. Токму затоа пробајте го ова природно средство за сјајна и хидрирана кожа кое истовремено ќе ги осветли и темните кругови под вашите очи.

Рецепт за маска од чоколадо и кафе, совршена против темни кругови под очите и сува кожа

Потребни состојки:
  • 4 лажици горко чоколадо (какао во прав)
  • 4 лажици ситно мелено кафе
  • 4 лажици јогурт
  • 2 лажици мед
Начин на подготовка и употреба:

Во еден сад помешајте ги какаото и кафето, а потоа додајте го јогуртот и мешајте сè додека не добиете изедначена смеса. Потоа сипете го медот (можете и да го загреете за да биде помек) и добро измешајте го со смесата.

Исчистете го лицето и нанесете ја маската на кожата. Оставете ја целосно да се исуши и потоа измијте ја со млака вода, исушете го лицето со пешкир и по потреба нанесете хидратантна крема. Остатокот од маската префрлете го во стаклен сад и сместете го во фрижидер.

Дополнителни совети:
  • Наместо јогуртот можете да користите кокосово млеко или доколку имате многу сува кожа, маслиново или бадемово масло.
  • Доколку сакате маската да биде поретка, додајте уште една лажичка јогурт, млеко или масло.
  • Остатокот од маската потрошете го во рок од 10 дена.
  • Маската користете ја на секои 3 до 5 дена.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар