Претходно
Прсти да излижете: Австриски рецепт за печени тестенини со шунка и сирење
Денес ви споделуваме австриски рецепт за печени тестенини со шунка и сирење – идеален избор кога немате многу време и состојки на располагање.
Потребни состојки:
- 250 грама тестенини
- 200 грама шунка
- 100 грама сирење
- 80 грама путер + за подмачкување на садот за печење
- 4 јајца
- морско оревче
- 250 грама кисела павлака
- 2-3 чешниња лук
- сечкан магдонос
- ½ шолја презла + за посипување
Начин на подготовка:
1. Извадете го путерот од фрижидер да омекне. Сварете ги тестенините, а потоа исцедете ги и оставете ги да се изладат.
2. Со миксер измешајте ги путерот, жолчката, солта, биберот и морското оревче, па додајте ги шунката исечкана на коцки, ренданото сирење, павлаката, лукот, сечканиот магдонос и ладните тестенини.
3. Со миксер измешајте ги и белките, а потоа додадете ги во смесата со тестенини.
4. Намачкајте го со путер калапот за печење и посипете со презла, а потоа додадете ги тестенините и одново посипете ги со презла. Покријте со алуминиумска фолија и печете во рерна околу 45 минути на 160 степени целзиусови. На здравје!
Доколку ви се допадна нашиот предлог за вашето денешно мени, можеби ќе сакате да го прочитате и рецептот за вкусни тестенини со сос од сирење и спанаќ.
Извор: punkufer.dnevnik.hr
