Писмо од осамен млад човек: Разликата помеѓу девојките со кои сум бил и онаа со која ќе се оженам

Морам да признам: Не го знам бројот на жените со кои сум излегувал на љубовни состаноци, со кои сум спиел, сум се дружел или сум се заљубил. Не гледам ништо лошо во тоа да уживам во животот и да ја истражувам својата сексуалност, но и мојата способност да љубам. Но, порано или подоцна, овие нешта одеднаш стануваат безначајни. Постојано си кажуваш себеси дека сите луѓе се посебни, но сфаќаш дека тоа е само една обична глупост. Да беа сите посебни, никој не би бил посебен.

Порано, кога имав девојка, почнав да се прашувам дали таа е љубовта на мојот живот. И решив дека ми е потребно време за да дознаам. Излегував на љубовни состаноци, се забавував и запознавав многу девојки. Дали се каам за тоа? Понекогаш. Не се каам што сум ги запознал сите тие девојки. Се каам што сум помислил дека имам потреба од тоа.

Да, ми беше забавно тогаш. Толку многу посакував таков начин на живот, што решив да ја прекинам прекрасната врска што ја имав. Со задоволство го прифатив лудиот животен стил на едно глупаво момче во неговите 20-ти години. Животот ми беше супер. Не, мојот живот беше совршен. Додека конечно не ми дојде памет.

За многу мажи доволно им е само да имаат секс. Не за сите, ама за многу. Не ни бараат повеќе затоа што не разбираат дека им треба повеќе. Ќе си речете дека врските содржат многу повеќе од само секс, и јас се согласувам. Секогаш сум го мислел тоа и секогаш сум ја барал љубовта на мојот живот. Но, мислев дека немам искусено доволно, дека тревата е позелена кај комшијата, секогаш барав нешто.

Не бев доволно паметен за да сфатам дека јас веќе имав сè што ми треба. Бев толку блиску до совршената врска, но не бев подготвен да ја ценам. Ниту еден од нас не беше подготвен. Се пронајдовме, но не бевме доволно зрели и паметни за да останеме заедно. Мојата приказна не е единствена, можеби многумина од вас што го читаат ова ќе се пронајдат. Оваа врска беше поучно искуство. Последните 10 години од мојот живот беа една долга лекција.

И научив една многу важна работа: Постои разлика помеѓу девојките со кои сум се гледал и онаа со која ќе се оженам. Не се работи за хемија, за физичка привлечност, ниту, пак, за успешна кариера или заеднички верувања. Многу луѓе сметаат дека овие работи се основата на една врска. Да, важни се, но само на почетокот кога ви е потребна искра. Потребно е многу повеќе за врската да трае.

Девојката со која ќе се оженам треба да е способна да се оддалечи себеси од нејзините верувања и да има објективен поглед кон светот. Ќе си речете дека ова нема никаква врска, но грешите. Проблемот кај луѓето е тоа што сите сме сигурни дека сме во право. Но, сите грешиме цело време. Повеќето од нашите верувања се само мислења. Теории и мисли кои ги сметаме за вистина.

Ова може да не претставува никаков проблем кога сте сингл. Но, различно е кога сте во врска. Сега имате две мислења наместо едно и тие можат да бидат целосно различни. Тогаш имаме караници, се лутиме, кажуваме работи што не ги мислиме и раскинуваме.

Мојата идна сопруга треба да ги согледа и да ги признае овие тешкотии. Барам паметна жена, која нема да го гледа светот како црно-бел, туку ќе разбере дека постојат повеќе нијанси на сиво. Кога ќе најдете жена која ќе ви помогне да ја видите повеќеслојната природа на менливата реалноста, треба да го знаете следново: Имате вистинска можност да направите новата врска да успее и да пронајдете среќа и исполнетост во љубовта.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?