Овие 10 природни антибиотици ги убиваат бактериите во вашето тело, а повеќето ги имате во кујната

Порано медицината изгледала сосема поинаку. Нашите предци морале да се потпрат на природата за да ги добијат потребните антибиотици. Иако денес едноставно можеме да отидеме на лекар и да добиеме антибиотик за да ни помогне со болеста, постојат и природни антибиотици кои можат да ни бидат прв избор. Ви ги откриваме 10-те најкорисни природни антибиотици…

Овие 10 природни антибиотици ги убиваат бактериите во вашето тело, а повеќето ги имате во кујната

1. Лук и кромид

Лукот и кромидот имаат заеднички лековити својства. Тие содржат природни антибактериски, антигабични и антиканцерогени супстанции. Во времето кога немало антибиотици и други лекови, лукот сам ја претставувал основата на целата фармацевтска индустрија.

2. Корен од ѓумбир

Може да се јаде свеж, во прав или сушен како зачин. Може да се консумира и како екстракт, масло или тинктура. Ѓумбирот помага во ублажување на симптомите на гадење, губење на апетитот и гадење при возење. Како антибиотик делува противвоспалително и општо ја намалува болката.

3. Кокосово масло

Кокосовото масло е навистина сестрана намирница со многу благодати. Тоа е природен антибиотик и помага во лекување на кашлица, кандида, воспаление, па дури и брадавици. Поради своите антимикробни својства, кокосовото масло може да спречи и навлегување на штетни патогени во дигестивниот систем. Кокосовото масло е исто така добар антибиотик заради неговите антивирусни и антифунгални својства.

4. Јаболков оцет

Јаболковиот оцет е најпопуларен на оваа листа – од добра причина. Бидејќи содржи оцетна киселина, тој е моќен антиинфламаторен лек. Помага при намалување на симптомите на многу состојби – вклучувајќи акни, артритис и гихт. Покрај ублажување на болката, јаболковиот оцет, исто така обезбедува добра доза на пробиотици.

5. Мед

Истражувањата покажуваат дека обичниот мед убива повеќе од 60 различни видови бактерии. Покрај тоа, медот служи како одличен алтернативен третман за нега на рани и исеченици, благодарение на присуството на водороден пероксид во неговиот состав.

6. Екстракт од семе од грејпфрут

Порано се користело за лечење на гастроинтестиналниот тракт. Овој екстракт, покрај своите природни антибактериски својства, ја стимулира циркулацијата, го намалува воспалението на зглобовите и ја штити нашата кожа од УВ зрачење.

7. Масло од оригано

Маслото од оригано има антиинфламаторно, антивирусно и антифунгално својство. Поради тоа може да се бори со настинки, инфекции и паразити. Земањето масло од оригано како додаток во исхраната може да помогне и во заштитата на кожата од штетни бактерии.

8. Каранфилче

Во тек е детално истражување за откривање на релативно нови медицински својства на каранфилчето. Од особен интерес за научниците е употребата на овој зачин за одржување и подобрување на оралното здравје. Во една студија е утврдено дека миењето на устата со течност составена од каранфилче, босилек и масло од чајно дрво убива повеќе орални бактерии отколку водата за плакнење што можете да ја купите во продавница или аптека!

9. Есенцијалното масло од мајчина душица

Најчесто се среќава во комерцијалните средства за чистење во домаќинствата. Но, ова масло е природен антисептик и антимикробно средство, па може да се користи за спречување на заболувања на кожата како што се акни и егзема. Поради својата јачина, мајчината душица треба да се разреди со кокосово или маслиново масло пред нанесување на кожата.

10. Ехинацеа

Членот на семејството сончогледи, цветот на ехинацеата, делува како еден од најдобрите природни антибиотици за обичната настинка. Истражувањата покажуваат дека користењето на овој цветен додаток може да ја намали сериозноста на симптомите на настинка до 50 проценти. Останатите антибиотски примени вклучуваат третирање на воспаление на уво, атлетско стапало, синусни инфекции и покачена температура.

Автор: Ана Ќурчиевска

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Читај на раат!

Поврзани содржини

Остави коментар