Претходно
Освежете го организмот со овошна вода
Препорачливата доза од 8 чаши вода на ден за здрав организам, понекогаш може да биде напорна. Па, затоа обидете се со ароматизирана вода.
Водата со природен вкус на овошје е совршено и здраво освежување. Направете ја во поголема количина и чувајте ја во фрижидер за цело време да биде ладна.
Еве неколку идеи како едноставно и по природен пат да направите домашна ароматизирана вода.
Сè што ви е потребно е:
- Какво било овошје (освен банана), но внимавајте да не е оштетено
- Рузмарин, нане, жалфија или која било друга билка, но внимавајте да одговара на вкусот на овошјето
- Тегла или бокал
- Дрвена лажица
- Вода
Начин на подготовка:
- Исечете го овошјето на коцки, комбинирајте цитрусни или бобинкасти овошја.
- Прво ставете ги билките во теглата, притиснете ги со лажицата, а потоа додадете го и овошјето така што ќе зафаќа помалку од една третина.
- Нежно притиснете го овошјето со лажицата за да пушти арома, но внимавајте да не претерате, овошјето не треба да се раздроби.
- Потоа наполнете ја теглата или бокалот со мраз и додадете вода до врвот.
- Вака подготвената вода можете да ја пиете веднаш, но најдобро би било да отстои во фрижидер барем 24 часа.
Еве неколку идеи за комбинирање на овошје и билки за да добиете убава ароматизирана вода.
Портокал и лимета
Малини и лимета
Ананас и нане
Капини и жалфија
Лубеница и рузмарин
