Претходно
Не фрлајте ги овенатите ружи: Направете домашна купка за врвно задоволство
Зарем постои жена која не се радува на букет прекрасни ружи? Ние ги чуваме, им менуваме вода, па дури и им ставаме шеќер за подолго да „траат“, но животот на секоја ружа секогаш завршува исто – во корпата за отпадоци. Имајќи го тоа на ум, што ако ви кажеме дека вие би можеле со помош на овенатите ливчиња да направите миризлива купка за бањање?
Процесот е многу едноставен. Скинете ги лисјата од ружата, ставете ги во тегла и додајте 200 грама крупна морска сол. Добро затворете ја теглата и протресете со цел рамномерно да се распространат и оставете ја да отстои на топло место околу 20-тина денови. Во текот на тоа време, солта ќе ја извлече сета ароматична материја од лисјата и подоцна можете да ја користите како купка. Вашата кожа не само што ќе мириса прекрасно, туку ќе стане и толку нежна што нема да можете да си поверувате.
