Претходно
Направете сами: Најубавата плетенка „круна“ која досега сте ја виделе!
Плетенките веќе неколку сезони се многу популарен бјути тренд, додека најинтересна помеѓу нив е плетенката „круна“, која претставува многу ефективен детаљ за кој треба да издвоите минимално време и труд. Колку и да ви звучи комплицирано, ваква плетенка можете да исплетете сосема сами, а во тоа ќе ви помогне денешниот туторијал. Погледнете како сами да ја исплетете најубавата „круна“ која сте ја виделе досега!
Правењето на оваа фризура ќе го започнете со тоа што прво ќе направите крупни локни со помош на фигаро, а потоа секоја локна ќе ја попрскате со спреј за зајакнување и обликување на косата. Кога ќе завршите со ова, најнапред издвојте еден прамен коса од средина на главата, и од него направете плетенка која оди накосо, а потоа исплетената коса префрлете ја преку главата, на тој начин што ќе направите круна.
Откако ќе завршите со тоа, косата понатаму поделете ја на уште два дела, кои ќе ги исплетете во француска плетенка, но на тој начин што секоја плетенка ќе се надоврзува на претходната. Плетенките зацврстете ги со шноли и водете сметка тие да бидат добро фиксирани, за да не се растурат.
И тоа е тоа, најубаво сплетената „круна“ која сте ја виделе, сега можете да ја направите сами и да ја носите со крената глава.
