Претходно
Најголемите митови поврзани со сексот
Во денешно време многу е лесно да се дојде до информациите што нè интересираат, но тешко е да се одреди кои од тие информации се вистинити, а кои не. Сигурно сте налетале на многу статии посветени на сексот или, пак, сте разговарале со вашите пријатели на оваа тема и сте се запрашале дали има некоја вистина во сè тоа што го читате и слушате. Ние ви ги разоткриваме најпознатите митови поврзани со сексот кои можеби конечно ќе ви го дадат одговорот на прашањата што ги имате…
Сексот го намалува крвниот притисок
Неточно: Всушност го покачува, но само на кратко. Малку се тие случаи кога некој доживеал срцев удар за време на сексот. И покрај тоа што крвниот притисок навистина се покачува, не може да се покачи до тој степен.
Сексот го намалува стресот
Точно: Во едно истражување од областа на биолошка психологија, од испитаниците било побарано да водат дневник во кој ќе ги бележат нивните сексуални активности и потоа да го измерат крвниот притисок по стресни настани како што е говорење во јавност. Тие што имале редовен секс, покажале подобри резултати од тие што немале.
Алкохолот ја зголемува сексуалната желба кај жените
Точно: Многу мала количина алкохол може да предизвика привремено лачење на машкиот хормон тестостерон кај жените, што доведува до зголемено либидо.
Викендите се најдоброто време за секс
Неточно: Според едно истражување спроведено од страна на економскиот факултет во Лондон, најдобриот ден за да се има секс е четврток. Причината за тоа е што во текот на целата недела се таложел хормонот за стрес кортизол, кој ги стимулира хормоните заслужни за зголемувањето на сексуалната желба, со тоа што нивната активност е на највисоко ниво токму во четврток.
Само мажите фантазираат
Неточно: 80% од жените имале сексуални фантазии за други луѓе покрај нивниот партнер, додека пак, истово се однесува за 98% од мажите.
Сексот ја зголемува интелигенцијата
Точно: Според едно истражување на Универзитетот во Мериленд, сексот го зголемува нивото на неврони во хипокампусот, дел од мозокот заслужен за формирање долгорочна меморија.
Сексот согорува повеќе калории од трчањето
Неточно: Истражувањата спроведени на универзитетот во Квебек, Канада дошле до следниве резултати:
- 1 минута на лента за трчање согорува 9,2 калории кај мажи
- 1 минута секс согорува 4,2 калории кај мажи
- 1 минута на лента за трчање согорува 7,2 калории кај жени
- 1 минута секс согорува 3,1 калории кај жени
Што вели статистиката?
- 1 од 4 двојки со над 50 години немаат воопшто секс.
- Паровите во нивните 20-ти и 30-ти години во просек имаат 8 до 9 пати секс месечно.
- Паровите кои се заедно повеќе од 2 години имаат секс 6 пати месечно.
