Моден евергрин: Класична бела маичка

Кое е вашето омилено основно парче облека, на кое би можеле да го изградите целиот изглед? Секако дека станува збор за класичната бела маичка! Овој класичен модел е основа на многу стилски изгледи, почнувајќи од спортски и кежуал комбинации, па сè до елегантни, женствени и комбинации за посебни прилики.

Тоа што ја прави белата маичка омилено модно парче, е можноста да се контролираат деталите и целиот стил околу неа. Токму едноставноста е тоа што ја прави оваа маичка со бесконечни можности за комбинирање. Таа секогаш ќе остане на врвот на модните листи, дури и покрај тоа што нејзиниот изглед се менува од сезона во сезона.

Оваа пролет, девојките ќе ја обожаваат преголемата бела маичка, која е идеална за лежерни комбинации и која може едноставно да се протне во тексас здолниште или во омилениот пар бојфренд џинс. Повторно, комбинации се бескрајни, па слободно продолжете да бидете креативни при градењето на стилот.

Покрај џинсот, белата маичка е одличен избор и за широките панталони со должина под колена за секојдневни комбинации или со панталоните со висок струк, за малку поелегантна прилика. Од друга страна пак, бидејќи белата маичка се смета за минималистичко парче облека, таа одлично се комбинира и со лелеавите бохо парчиња.

Токму оваа флексибилност и бескрајните можности за комбинирање ја прават класичната бела маичка моден евергрин.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар