Претходно
Млечно совршенство: Рецепт за турски пудинг со бадеми и кокос
Кешкул е еден од традиционалните десерти на турската кујна – лесен млечен пудинг со бадеми и кокос, што обично се служи со рендан кокос или ф’стаци.
Потребни состојки:
- 1 литар млеко
- 80 грама брашно од ориз
- 200 грама шеќер
- 3 лажици рендан кокос
- 3 лажици мелени бадеми
Начин на подготовка:
1. Загрејте го млекото да биде млако. Измешајте ги сувите состојки и турете доволно млеко за лесно да можете да ја измешате смесата и да стане мазна. Оставете го остатокот од млекото да зоврие. Кога ќе биде доволно жешко, постепено додавајте ја смесата со суви состојки во млекото.
2. Гответе на тивок оган мешајќи ја смесата додека не згусне, а потоа турете ја во чинии. Ставете ја во фрижидер и украсете со рендан кокос пред сервирање.
Погледнете го и овој рецепт за ќофтиња со грашок, пченка и сирење.
