Кремаста торта со банани: Десерт што ќе ве освои по првиот залак

Бананите им се омилено овошје на многумина и најчесто ги јадеме како дел од појадокот со овесна каша или како ужина и вечера. Ако копнеете по десерт од банани, пробајте да ја направите оваа брза торта.

Кремаста торта со банани: Десерт што ќе ве освои по првиот залак

Потребни состојки:

За бисквитот:

  • 4 јајца
  • 4 лажици шеќер
  • 4 лажици брашно
  • малку путер и лебни трошки за калапот

За кремот:

  • 400 милилитри слатка павлака
  • 50 грама шеќер во прав
  • 500 грама маскарпоне
  • 3 банани
  • сок од 1 лимон
  • какао

Начин на подготовка:

1. Прво испечете го бисквитот. Премачкајте го калапот за торта со малку путер, посипете со лебни трошки и оставете го настрана. Загрејте ја рерната на 180 °С. Изматете ги јајцата, додајте малку шеќер и мешајте додека смесата не се удвои и не стане светложолта. Потоа, додајте го брашното во смесата и лесно мешајте со шпатула или со лажица, но не со миксер. Истурете ја смесата во калапот и печете околу 15-20 минути додека бисквитот не се оддели од калапот и не добие златно-жолта боја на површината.

2. Оставете го бисквитот да се излади во калапот и подгответе го кремот. Мешајте ја слатката павлака со миксер додека малку не се зацврсти. Потоа, додајте го шеќерот и мешајте додека шлагот не се зацврсти. Во посебен сад, малку измешајте го маскарпонето со миксер, а потоа додајте го во шлагот и рачно измешајте ги состојките додека не добиете густ крем. Откако ќе биде готов, ставете го во фрижидер.

3. Излупете ги бананите, исечете ги на половина по должина и ширина, прелијте ги со сокот од лимон и наредете ги на изладениот бисквит. Можеби ќе ви требаат повеќе банани, во зависност од нивната големина и од големината на калапот. Прелијте ги бананите и бисквитот со кремот. Протресете го калапот за кремот да се спушти и измазнете го со шпатула доколку е потребно, а потоа оставете ја тортата во фрижидер неколку часа. Најдобро е да остане во фрижидер цела ноќ. Посипете со какао пред да ја послужите.

Погледнете го овој лесен рецепт за вкусен леб од нутела.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар