Колку време е потребно за тој да изговори „Те сакам“?

Речиси и да не постои жена која на почетокот на врската не се запрашала колку време ќе му биде потребно на партнерот да се вљуби во неа. После ова следува уште покомплицирано прашање – зошто партнерот сè уште не ја изјавил неговата љубов?

Колку време е потребно за тој да изговори „Те сакам“?

Понекогаш станува збор за неколку недели, а понекогаш потребно е да поминат и месеци пред партнерот да сподели колку е вљубен во вас. За жените ова може да биде навистина исцрпувачки, бидејќи им создава несигурност. Тие не сакаат да го нарушат односот со партнерот и не кажуваат ништо, но сепак се прашуваат зошто тој не го кажува она што долго време го покажува.

Според психолозите, и кај мажите и кај жените, на почетокот од врската се појавува силна страст, која после некое време се претвора во вљубеност. Со развивање на емоционалниот однос, вљубеноста се претвора во длабока и искрена љубов.

Во првите неколку недели, партнерите уживаат во меѓусебната привлечност, која со текот на времето и меѓусебното запознавање прераснува во вљубеност.

Едно истражување во кое учествувале 2.000 парови, кои биле заедно повеќе од една година, дошло до навистина интереси резултати. Имено, мажите ја почувствувале вљубеноста после 3 месеци, додека жените после 5 месеци од врската.

Но, ситуацијата е многу поразлична кога станува збор за признавање на овие емоции. Во повеќето случаи, жените први изговориле „те сакам“ и тоа само еден месец откако станале свесни за своите емоции. На мажите пак им биле потребни околу 6 месеци откако ја почувствувале вљубеноста. Ова значи дека навистина им придаваат значење на овие зборови и потребно им е време да соберат храброст да ги кажат.

Дури 13% од испитаниците изјавиле дека дури и после една година не изговориле „Те сакам“. Истражувањето покажало дека 1/3 од испитаниците му изјавиле љубов на партнерот поради притисок од неговото прерано признание.

Најверојатно, кога партнерот ќе ви каже дека ве сака, сакате тоа биде искрено и од срце. Затоа, бидете трпеливи и немојте да го испрашувате партнерот бидејќи сигурно не сакате да ви изјави љубов под притисок. Покрај тоа, ако се чувствувате сакано, добивате доволно нежност, внимание и разбирање, запрашајте се дали навистина партнерот треба да ви каже нешто што веќе го чувствувате во вашето срце.

Погледнете ги и прашањата што треба да си ги поставите пред да кажете „Те сакам“.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар